هلا والله وغلا فيك مستر..
موضوع جيد ولكنه لا يحتاج الى طريقه أو اسلوب معين
زي ماقال اخوي عاشق نجد ..
يعني اللي بيتكلم الخاطب نفسه او الي بيروح معاه
مارح يتقيد بنص,, لا بالعكس بعض المواقف يكون الواحد
يترجل الكلام فيها من راسه أو يرتبه فباله قبل مايدخل
وهذي الحاجه الكثير يفتقدها لانه متعلقه بثقافة الواحد
وكذالك البيئه والمواقف اللي مر فيها يتعلم منها..
انا بالنسبه لي لو رحت أخطب لنفسي ولوحدي رح أقول:
والله سلامة هالوجيه ..
جيتكم وانا اتشرف بجيتي لكم وأبي اكمل نص ديني ولا لقيت أحسن من نسبكم..
جيتكم أطلب (أو أخطب) يد بنتكم فلانه وأنا فلان بن فلان من قبيلة كذا وظيفتي كذا وأحمل شهادة كذا وحبيت أشوف رأيكم قبل أجيب أهلي وإذا ما كان عندكم مانع جيت بالأهل وتقدمنا بشكل رسمي وعسى الله يكتب لنا ولكم اللي فيه الخير و إذا فيه نصيب إن يسهل الله كل الأمور ..
وان كان مافيه نصيب فاي انسان بهالدنيا مارح ياخذ غير نصيبه وأنتوا والله من الناس اللي الواحد يتشرف فيها ويرفع راسه بالقرب منها ..
وبالنسبه للرد ماني مستعجل لأن من حقكم تسألون عني,, ومكان عملي في المكان الفلاني وسكني في الموقع الفلاني والزواج قسمه ونصيب وأنشاالله لو تيسير شي
أني لاكون عند حسن ظنكم في بنتكم واني ما اكون مقصر معها في اي شي..
واللي تبونه انا تحت امركم ولا ترضون علي إلا مثل ماترضونه لواحد من عيالكم وأنا مابرضى لبنتكم الا مثل مابرضى لوحده من خواتي وعسى الله يكتب اللي فيه خير..
ولا زاد الا سلامتكم..
وبالنسبه للواحد اللي بيروح يخطب ومعاه والده والا شخص يكبره وهذا الشي احسن من انه يروح لوحده لان ماقبلتنا الا بشيبانا وهم ادرى بالكلام ولهم تجاربهم في الحياه فأتوقع ان الأسلوب رح يكون:
والله سلامة هالوجيه, في محلاتنا اللي ماتخفى عليكم الين جت هالفرصه الطيبه
اللي انشالله انها تكون باب خير علينا وعليكم ..
جيناكم نتعرف عليكم ويشرفنا نخطب لولدنا فلان في بنتكم فلانه وحنا من قبيلة كذا ونرجع لكذا والولد يشتغل في كذا ووضعة كذا والحمد لله دخله يساعده انه يكمل نص دينه ويفتح بيت ..... ونسأل الله أن يكتب اللي فيه خير.. وسلامتكم ولا زاد الا عفاكم..
ونفس الكلام الاول من ناحية رد موافقه وسؤال عن المعرس والموقف نفسه رح
يخليك تصنع الكلمات..
هذا اللي عندي والناس كلن لها طريقتها وكلامها..
بس بالنسبه لطريقة الملكه والمهر والصلح فكل قبيله لها سلمها وطريقتها الخاصه..
لا فقدناك..
أنت غير مسجل في ملتقى اهل الجنوب . للتسجيل الرجاء إضغط هنـا
الإهداءات
28-04-2008, 05:15 AM
علم خااااااااااااااااااااااااص
.gif "Eh S(21)")
لكم كل المحبه
العرض العادي
