--------------------------------------------------------------------------------
انا قلبى شان ينساك دايرلو تانى زمن
عفوا حبيب قلبى ما انت لى وطن
=====
انا قلبى ذنبه شنو عودته انت عليك
علمته يبكى ينوح يوم ما يشوف عينيك
وكتين ملكته خلاص فريتها لجنحيك
خاطبته باستبداد قلت ليه آه كان ليك
=====
هو الصابر المسكين راجى اليالى تروق
لا كلّ لا ملّ لا عاتب المعشوق
كل القدر قالو ياناس كتلنى الشوق
والضقته فى دنياى ما ضاقو قط مخلوق
=====
انا يا خلائق آه ضقت العذاب اصناف
شلت الليالى سقد تشهد تبارك وقاف
جربت صبر ايوب كانت نهايته كفاك
والصابنى يالمريود بالعين محال ينشاف
=====
لو دار تعرف البى ارجوك مرة تعال
اقعد وعاين بس ما تسال اى سؤال
انا يا حليلى انا اصبح يمينى شمال
جوايا عشرة اشياء خلت حياتى محال
حظى التعيس الشوم الغيرة والعزال
ليل الضياع والخوف والحيرة والاهمال
انك تملى معاى و بيناتنا كم اميال
احساسى انى بسيط واحلامى واقفه جبال
صبر اً صبرتو عليك ذكرنى سيدنا بلال
حتى ان سكتّ انا تتكلم الاطلال
وآخر المطاف بالليل سافرت باستعجال
لا طلت بلح الشام لا ضقت راحة البال
======
برضك تقول لى اصبر اتحمل المكتوب
واتعوض الله خلاص انسانى يالمحبوب
خلتنى ذى عصفور هبت عليه هبوب
فنتلو عشو شمال شالت صغاره جنوب
أنت غير مسجل في ملتقى اهل الجنـوب . للتسجيل الرجاء إضغط هنـا
العضو الأكثر نشاطاً هذا اليوم 
الإهداءات
غصيده سودانيه 100%100
رد: غصيده سودانيه 100%100
